MAKTAB VA OLIY TA'LIM HAMKORLIGI
Institutning "Informatika va uni o'qitish metodikasi" kafedrasi professor-o'qituvchilari Institutimiz va maktab o'rtasidagi o'zaro hamkorlik shartnomasiga muvofiq Shahrisabz shahar 22-maktabga tashrif buyurishdi. Tashrif chog'ida 9-sinf va bitiruvchi sinflarda kasbga yo'naltirish ishlari, "Informatika va uni o'qitish metodikasi" kafedrasida tashkil etilgan to'garaklar, ilmiy va innovatsion loyihalar hamda maktab iqtidorli talabalarini Respublika miqyosida tashkil etilayotgan davlat stipendiyalari va mukofotlari to'g'risida seminar trening tashkil etishdi.
Bundan tashqadi IT sohasida ko‘rsatilayotgan xizmatlar va eksport hajmini oshirish, yoshlarni IT, xorijiy tillarga o‘qitish qamrovini kengaytirish maqsadida institutida “Coursera” xalqaro sertifikatlari platformasi orqali o'quv kurslari o'tilayotganligi va ushbu kurslar bepul tashkil etilganligi haqida ham ma'lumotlar berildi. Maktab o'quvchilarini ham ushbu xalqaro IT sertifikatga o'qitishga amaliy yordam berish maqsadida IT sohasiga qiziquvchi o'quvchilar uchun kafedra qoshidagi to'garaklarga qatnashishga qiziqish bildirgan o'quvchilar belgilanib, to'garakni maktab binosida tashkil etish belgilab olindi.
Bundan nafaqat maktab o'quvchilari balki maktab o'qituvchilari ham qiziqish bildirishib, IT bo'yicha o'quv kurslarini ham tashkil etish borasidagi takliflarini bildirishdi.
Foydali sahifalar