Bugun 30-iyun kuni Shahrisabz davlat pedagogika institutida 30-iyun Yoshlar kuni munosabati bilan tashkil etilgan ma'naviy-ma'rifiy tadbir ko'tarinki kayfiyatda boshlandi. Tadbirni institut rektori Sh.Nematov tabrik so'zi bilan ochib, yoshlarimizning ilm-fan, madaniyat, sport va boshqa sohalarda erishayotgan yutuqlari haqida to'xtalib o'tdi va barcha yoshlarni bugungi bayram bilan tabrikladi.

O'quv yili davomida tanlovlarda o'zining faolligi, bilimi bilan ishtirok etib yutuqlarga erishgan talabalarga tashakkurnoma va esadalik sovg'alari topshirildi. Shundan so'ng, tadbir doirasida tashkil etilgan shaxmat, shashka, stol tennisi sport musobaqalari hamda "Zakovat" intellektual o'yinlariga start berildi.