Joriy yilning 20-may kuni Shahrisabz davlat pedagogika institutida "O'zbek tili va adabiyoti" ta'lim yo'nalishi 1-kurs talabalari o'rtasida "Nurli navolar" mavzusida ma'naviy-ma'rifiy tadbir tashkil etildi. Tadbirni Tillar fakulteti dekani A.Muhammadiyev ochib, so'zida  milliy an’analarimiz, qadriyat va urf-odatlarimizga hurmat va ularning yoshlar kamolotiga ta'siri haqida to'xtalib o'tdi. Iqtidorli talabalar tomonidan ijro etilgan qo'shiqlar, laparlar barchaga ko'tarinki kayfiyat bag'ishladi. Badiiy tadbir doirasida talaba-qizlardan o'rtasida "Alla ijrochiligi" tanlovi o'tkazildi. Unda 5 ta jamoalar quyidagi shartlar bo'yicha bahslashishdi: "beshikka belash", "alla ijrochiligi" va "erkin mavzu". Shuningdek, tanlovda qizlar uchun malakali ustozlar tomonidan beshikka bolani belash bo'yicha mahorat darsi o'tib berildi. 

Hakamlar hay'atining yakuniy natijasiga ko'ra quyidagi jamoalar faxrli o'rinlarni egalladi:
1-o'rin - Rizvongul jamoasi
2-o'rin - Navro'zoy va Barchinoy jamolari
3-o'rin - Bahoroy va Ko'klamoy jamoalari.

Tanlov so'ngida g'olib deb topilgan jamoalarga O'zbek tili va adabiyot kafedrasi tomonidan sertifikat va esdalik sovg'alar topshirildi.