Aziz yoshlar, yurtimiz kelajaklari Sizlarni 17-noyabr – "Butunjahon talabalar kuni" munosabati bilan chin dildan tabriklayman! Siz, aziz talabalar, jamiyatimizning bugungi ishonchi va ertangi kelajagisiz. Sizning intilishlaringiz va bilimga chanqoqligingiz mamlakatimiz taraqqiyotining mustahkam poydevoridir. Sizlarning yutuqlaringiz va g‘oyalaringiz ilm-fan rivojida, ta’lim sifatini oshirishda va davlatimizni yangi marralarga olib chiqishda alohida ahamiyat kasb etadi.

   Institutimizda sizga bilim va ko‘nikmalar berish bilan birga, sizning orzu-intilishlaringizni ro‘yobga chiqarishga yordam berish, ijodiy qobiliyatlaringizni rivojlantirish uchun barcha sharoitlar yaratilgan. Biz sizning muvaffaqiyatlaringizni har doim faxr bilan kuzatamiz va doimo qo‘llab-quvvatlashga tayyormiz.

   Ushbu bayram kunida barchangizga sog‘lik-salomatlik, o‘qish va hayotda ulkan zafarlar, katta yutuqlar tilayman. Har bir kuningiz yangi bilimlar, qiziqarli tajribalar va olijanob maqsadlar sari intilish bilan boy bo‘lsin.

    Bayramingiz muborak bo‘lsin, aziz talabalar!

Hurmat bilan,
Shahrisabz davlat pedagogika instituti rektori Sherzod Nematov.