Tanlov asosiy va maxsus yoʻnalishlarga boʻlinadi.
Tanlovning asosiy yoʻnalishi quyidagi toifalar boʻyicha oʻtkaziladi:
1. Sunʼiy intellektga asoslangan texnologiyalar;
2. Ijtimoiy sohada raqamli texnologiyalar;
3. MicroSaaS va AdTech;
4. Kompyuter va mobil oʻyinlar;
5. Tadbirkorlik va moliyaviy texnologiyalar.
Maxsus yoʻnalish 72 soat ichida raqamli yechim yaratishni oʻz ichiga oluvchi Gran-Pri Hakatondan iborat.
Sovrin jamg‘armasi o‘zgarishsiz qolmoqda — 5 ta yo‘nalishning har birida 1, 2, 3-o‘rin sovrindorlari aniqlanib, quyidagi mukofotlarga ega bo‘lishadi:
1-oʻrin — $100,000
2-oʻrin — $50,000
3-oʻrin — $30,000
Tanlovning rasmiy veb-saytida roʻyxatdan oʻtishingiz, asosiy yoʻnalishlar, oʻtkazilish sanalari va ishtirok etish tafsilotlari bilan tanishishingiz mumkin.
Eslatib o’tamiz bugun ro’yxatdan o’tishning so’nggi kuni
Ro‘yxatdan o‘tish uchun: https://awards.gov.uz/
Telegram-kanal: https://t.me/PresidentTechAward

Qo'shimcha ma'lumot uchun:

President Tech Award — bu har yili O‘zbekiston Respublikasi Prezidenti tashabbusi bilan o‘tkaziladigan tadbir bo‘lib, uning maqsadi yosh IT-mutaxassislarni qo‘llab-quvvatlashdir. O‘tkazilayotgan tanlov yosh dasturchilarni birlashtirish orqali ularga o‘z startaplarini yaratish va tadbirkorlik faoliyati bilan shug‘ullanish, shuningdek, birinchi moliyalashtirishni qo‘lga kiritish va mamlakat raqamli iqtisodiyotini rivojlantirishga salmoqli hissa qo‘shish imkonini beradi. “President Tech Award” tanlovining birinchi to‘lqini 400 dan ortiq jamoalarni shakllantirgan 4000 nafardan ziyod yosh IT-mutaxassislarni jalb qilgan edi.
Asosiy yo‘nalishlar ro‘yxatiga quyidagilar kiradi: sun’iy intellekt texnologiyalarini yaratish, kompyuter yoki mobil o‘yinlarni ishlab chiqish, Michro-Saas va AdTech sohalarida texnologik yechimlar, ijtimoiy sohada raqamli texnologiyalar, tadbirkorlik va moliyaviy texnologiyalar. Mahsulotning innovatsionligi, funksionalligi va hayotning turli jabhalarini yaxshilash salohiyati baholashning muhim mezonlari hisoblanadi.
Umumiy sovrin jamg‘armasi 1 million dollarni tashkil etadi va u har bir yo‘nalishdagi eng istiqbolli uchta loyiha o‘rtasida taqsimlanadi. Asosiy yo‘nalishlar bo‘yicha tanlovda O‘zbekiston Respublikasining 16 yoshdan 30 yoshgacha bo‘lgan barcha fuqarolari ishtirok etishi mumkin. 5 ta asosiy yo‘nalishlardan birida ishtirok etish uchun 3-8 kishidan iborat jamoa yig‘ilishi talab etiladi.
Tanlov bir necha bosqichda o‘tkaziladi:
20-avgustgacha jamoalardan arizalar qabul qilinadi.
1-avgustdan 31-avgustgacha ishtirokchilarni dastlabki saralash o‘tkaziladi.
5-avgustdan 30-avgustgacha Bootchamp bo‘lib o‘tadi, unda ishtirokchilar xalqaro darajadagi tadbirkorlar bilan muloqot qilish va IT va biznes yo‘nalishlari bo‘yicha o‘quv intensivlariga tashrif buyurish orqali o‘z bilimlarini oshirishlari va yangi ko‘nikmalarga ega bo‘lishlari mumkin.
5-sentabrdan 30-sentabrgacha loyihalarni onlayn baholash yakunlanadi va tanlov finalchilari aniqlanadi.
5-noyabrdan 15-noyabrgacha “Demo Day” bo‘lib o‘tadi, unda har bir jamoa o‘z loyihasini jonli ravishda taqdim etadi.
20-noyabrdan 10-dekabrgacha har bir yo‘nalish bo‘yicha g‘oliblar aniqlanadi va taqdirlanadi.
15-sentyabrdan 25-sentyabrga qadar bitta sovrinli o‘rin va startapni yanada rivojlantirish uchun 100 000 dollarlik mukofotga ega xakaton bo‘lib o‘tadi. 3-5 kishidan iborat jamoalar tanlovda ishtirok etishlari mumkin. Ishtirokchilar bir necha kun ichida sun’iy intellekt texnologiyalari, tadbirkorlik va moliyaviy texnologiyalar, ta’lim, sog‘liqni saqlash yoki agrosanoat va yashil energetika sohasidagi loyihani ishlab chiqishlari va amalga oshirishni boshlashlari kerak bo‘ladi. Ishtirokchilar tomonidan taqdim etilgan loyihalar ularning dolzarbligi, raqobatbardoshligi, bozordagi talabgirligi va texnik amalga oshirilishidan kelib chiqqan holda hakamlar hay’ati tomonidan baholanadi.
“President Tech Awards” tanloviga tashrif buyuring va axborot texnologiyalari sohasidagi innovatsion yutuqlar guvohi bo‘ling. O‘zbekistonning ilg‘or ishlanmalari bilan tanishish uchun yetakchi IT va biznes mutaxassislari, investorlar va davlat sektori vakillariga qo‘shiling.